GPP стандартына сәйкестік сертификаты

GPP стандартына сәйкестік сертификаты тапсырылды.
Дәріхананың фармацевтикалық инспекциясын жүргізу кезінде алынған мәліметтер негізінде ЖШС "Жезқазған медициналық орталығы" тиісті фармацевтикалық практиканы бекіту туралы "Қазақстан Республикасы Денсаулық сақтау министрінің м.а. 2021 жылғы 04 ақпандағы № КР ДСМ-15 бұйрығымен" бекітілген тиісті дәріхана практикасы стандартына (GPP) сәйкестігіне сертификат алды.
Тиісті дәріхана практикасының стандарты (GPP) Қазақстан Республикасының халқына фармацевтикалық қызметкерлер көрсететін фармацевтикалық қызметтердің тиісті сапасын қамтамасыз ету мақсатында әзірленді, тиісті дәріхана практикасына және сапаны басқару жүйесін ұйымдастыруға қойылатын талаптарды белгілейді.
Осы Стандарт халықты сапалы, қауіпсіз дәрілік заттармен және медициналық бұйымдармен қамтамасыз етуге, оған дәрілік зат туралы дұрыс ақпарат беруге, салауатты өмір салтын насихаттауға және аурулардың алдын алуға, рецепт бойынша дәрілік препараттарды ұтымды қолдануды қамтамасыз етуге және орын алған дәрілік препараттардың жанама әсерлері туралы ақпарат беруге және өзін-өзі емдеу кезінде көмек көрсетуге бағытталған.